Canolfan Ymwelwyr Bwlch Nant yr Arian

Mae Canolfan Ymwelwyr Bwlch Nant yr Arian wedi’i lleoli ym mhen uchaf cwm dramatig ac mae’n safle y mae modd gweld ymhell ohono dros Fae Ceredigion a Mynyddoedd Cambria.

Mae’n enwog am ei thraddodiad hir o fwydo barcudiaid cochion, Aderyn Ysglyfaethus Cenedlaethol Cymru, bob dydd.

Mae’r ganolfan ymwelwyr yn fan cychwyn ar gyfer amryw o lwybrau ag arwyddbyst arnynt ar gyfer cerddwyr, beicwyr mynydd, rhedwyr a marchogion ceffylau.

Mae parc sgiliau gyda trac pwrpasol fel y gall feicwyr mynydd ymarfer eu techneg a llwybr cylchol ag arwyddbyst ar gyfer marchogion ceffylau ar hyd traciau coedwig, llwybrau a ffyrdd tawel wedi’u tarmacio.

Mae Bwlch Nant yr Arian hefyd yn cynnig caffi gwych gyda golygfeydd o’r barcutiaid coch, toiledau dan do, cyfleusterau i’r anabl a siop anrhegion, felly mae yn wir rhywbeth at ddant pawb yma.