Mae’r gronfa hon sydd wedi’i lleoli ar y Rheidol uchaf wrth droed Pumlumon yn rhan o gynllun Hydro drydanol Rheidol. Mae Dinas – sydd yn 38 erw – yn boblogaidd ac yn cael ei stocio’n rheolaidd gyda brithyll seithliw a brown. Yn ôl Moc Morgan, gohebydd pysgota ar gyfer y cylchgrawn ‘Trout and Salmon’ mae ansawdd y pysgod heb ei ail. O’r lan yn unig ceir pysgota yn Dinas. Caniateir pysgota plu, troell ac abwyd hefyd.
