Coetir Cymunedol Coed y Bont

Mae grŵp o bobl ymroddedig o Bontrhydfendigaid wedi dod at ei gilydd ac wedi ffurfio coetir cymunedol. ‘Coed y Bont’ yw enw’r grŵp cymunedol, enw iawn y coetir yw ‘Coed Dolgoed’ ac mae’n rhan o Goedwig Tywi ac yn eiddo i Gyfoeth Naturiol Cymru. Coetir cymunedol ysbrydoledig sydd yn rhad ac am ddim i’w ddefnyddio gan unrhyw un, ar unrhyw amser, yn adnodd gwych i bobl leol ac ymwelwyr fel ei gilydd.

Mae’r coetir wedi’i leoli wrth gyfeirnod grid SN6573 ac mae hanner milltir i’r dwyrain o bentref Pontrhydfendigaid tuag at adfeilion Abaty Ystrad Fflur.