Gwesty Gwledig Brynarth

Mae Gwesty Gwledig Brynarth **** yn swatio o fewn cefn gwlad, hardd godre Mynyddoedd y Cambrian, ymhlith rhai o’r golygfeydd mwyaf syfrdanol Cwm Ystwyth.

Mae’r ffermdy hwn o’r 17eg Ganrif, a’i ysguboriau, wedi’u hadnewyddu’n chwaethus ac yn ddymunol yn unol ac oedran a safle Brynarth mewn hanes, gyda 2 erw o goedwigoedd clychau’r gog wedi’u cynnwys yn ei 8 erw o diroedd.

Mae Brynarth mewn lleoliad delfrydol, yn rhoi mynediad i chi, nid yn unig i atyniadau niferus Ceredigion a’i arfordir hardd, Cymoedd Ystwyth ac Elan; ond hefyd yn gyfleus i chi fwynhau trefi arfordirol prysur Aberystwyth, Aberaeron a Chei Newydd yn hawdd.

Rydym hanner ffordd rhwng trefi Aberystwyth a Llanbedr Pont Steffan ac yn lle delfrydol i aros os ydych yn ymweld â naill ai Prifysgol Aberystwyth neu Brifysgol Llambed – yn wir rydym yn un o hoff fannau aros llawer o rieni myfyrwyr sy’n well ganddynt beidio ag aros yn y dref .

Mae gennym 9 ystafell glyd ar gyfer ein gwesteion, pob un yn llawn cymeriad, 2 ystafell yn y prif ffermdy a 7 ystafell ar draws y cwrt yn yr Hen Laethdy. Mae i bob ystafell: wres   ganolog, radio cloc larwm, sychwyr gwallt, cyfleusterau gwneud te a choffi, pethau ymolchi wnaed yng Nghymru a thyweli cotwm yr Aifft. Mae’r ystafelloedd yn cael eu cyweirio bob dydd er mwyn gwneud eich arhosiad mor gyffyrddus â phosibl. Mae WiFi am ddim ar gael ym mhob un o’n hystafelloedd gwely, ac yn y lolfa westeion a’r ystafell fwyta.

Mae brecwast wedi’i gynnwys ym mhris eich ystafell; yr holl fwyd wedi’i goginio’n ffres ar  eich cyfer ac rydym yn ymfalchïo mewn cynnig cymaint o gynnyrch ffres, lleol ag y gallwn. Gall ein gwesteion fwynhau eu prydau bwyd yn Ystafell Fwyta’r ffermdy sy’n gynnes a chroesawus.

Yn lolfa’r gwesteion  mae’r tanau coed ar yr aelwydydd yn estyn croeso cynnes. Mae’r trawstiau agored a’r hen waliau cerrig yn lloches gyfforddus – beth bynnag fo’r tywydd y tu allan!

Ar gyfer y gyda’r nos, mae bar bach, cysurus, trwyddedig oddi ar y brif lolfa sy’n cynnig ystod dda o gwrw, gwinoedd a gwirodydd.

Gallwch hefyd fwynhau tenis bwrdd, pool a dartiau yn ein hysgubor gemau. Mae yma lolfa deledu gyffyrddus hefyd, gyda theledu lliw mawr a soffas cyfforddus.

Mae’r ardal hon yn baradwys i gerddwyr, yn cynnig nifer o lwybrau a llwybrau ceffylau, ynghyd â llwybrau mwy heriol ar gyfer cerddwyr mwy profiadol, i gyd o fewn cyrraedd i Brynarth.

Gall beicwyr ddilyn llwybrau beicio a chilffyrdd pwrpasol sy’n croesi yn uniongyrchol trwy’r ardal hon a sydd heb draffig trwm ond gyda golygfeydd syfrdanol. Gallwch ymuno â Llwybr Ystwyth hanner milltir o Brynarth. Mae’r llwybr hwn yn addas i deuluoedd – yn ddi-draffig ac yn hamddenol. Mae gennym hefyd storfa ddiogel dan-glo i roi’ch beiciau ynddi dros nos. Yma ym Mrynarth rydym yn hapus i groesawu beicwyr modur; yn ogystal â maes parcio mawr rydym yn cynnig parcio diogel dan do ar gyfer beiciau modur.

Mae Brynarth yn gartref i doreth o fywyd gwyllt, gellir gweld y barcud coch,  sydd yn ail-boblogi yn llwyddiannus yn yr ardal hon o Ganolbarth Cymru, yn  hedfan drosodd yn rheolaidd. Rydym mewn lleoliad delfrydol ar gyfer ymweld â llawer o Warchodfeydd Natur sy’n cynnig tirweddau a bywyd gwyllt ysblennydd yn eu cynefin naturiol. D’yw Gwarchodfa Natur Cors Ian ond 400 llath oddi wrthym.