Llwybrau Cerdded Y Bwa a Pwllpeiran

Mae pob llwybr yn cychwyn ac yn gorffen ar safle picnic Y Bwa, cyfeirnod grid SN765755 (mae’r marciwr map ar gyfer Pontarfynach/Devil’s Bridge gerllaw).

Tri Llwybr Coedwig byr gyda arwyddbyst (yr hiraf yn 1.5 milltir) trwy goetir cymysg gyda golygfeydd gwych dros fynyddoedd Cambrian a Chwm Rheidol.

Y Bwa hefyd yw’r man cychwyn ar gyfer Llwybr Pwllpeiran, llwybr cyhoeddus caniataol 4.5 milltir gyda arwyddbyst, trwy dir fferm yn bennaf, gyda golygfeydd hardd dros hen ystâd Hafod a Chwm Ystwyth Uchaf. Mae’r llwybr yn cynnwys cryn dipyn o ddringo i fyny, peth ohono’n serth. Taflen ar gael.